Fundargerðir foreldrafélagsins

LÖG FORELDRAFÉLAGS LEIKSKÓLANS ÁSGARÐS

1.gr. Nafn félagsins er Foreldrafélag Leikskólans Ásgarðs (F.L.Á) með aðsetur í Húnaþingi vestra

2.gr. Tilgangur félagsins er að stuðla að góðum samskiptum milli foreldra innbyrðis og foreldra og starfsfólks leikkskólans og standa vörð um hagsmuni barnanna og gæði þeirrar þjónustu sem þau njóta.

3.gr. Allir foreldrar og forráðamenn barna á leikskólanum Ásgarði eru sjálfkrafa félagar meðan barn/börn þeirra er(u) á leikskólanum.

4.gr. Aðalfundur skal haldinn fyrir febrúrarlok ár hver. Á aðalfundi eru venjuleg aðalfundarstörf s.s stjórnarkjör, kynning á skýrslu stjórnar og reikningum auk almennra umræðna. Stjórnina skipa fimm félagsmenn og er kjörtímabilið tvö ár. Skal þess gætt að eitt árið séu þrír kosnir til tveggja ára og hitt árið tveir til tveggja ára. Þá skal kjósa þrjá varamenn til eins árs í senn. Kosning skal vera leynileg ef ekki er sjáfkjörið í embætti. Stjórnin skiptir með sér verkum og kýs formann, gjaldkera og ritara.

5.gr. Stjórnin stýrir málefnum félagsins og annast allar framkvæmdir þess, nema öðruvísi sé ákveðið. Hún hefur heimild til þess að kalla sér til aðstoðar sérhvern almennan félaga og boðar til almenns félagsfundar ef ástæða þykir til.

6.gr. Félagsgjöld eru innheimt í upphafi hvers árs og er upphæð þeirra ákveðin á aðalfundi. Félagsgjöld eru sérstaklega ætluð til að standa straum af kostnaði við skemmtanir og aðrar uppákomur á vegum félagsins og/eða leikskólans, í þágu barnana, s.s litlu jólunum, öskudegi og sumarhátíð auk þess stefnt er að því að færa leikskólanum reglulega gjöf.

7.gr. Ef ákvörðun um slit félagsins verður tekin á aðalfundi þá renna eignir þess til nýs félags innan leikskólans, byggt á samskonar grunni.

8.gr. Stjórnin velur fulltrúa úr sínum hópi til setu á fræðsluráðsfundum.

9.gr. Árlega skulu skipaðir 3 fulltrúar úr stjórn foreldrafélagsins til setu í foreldraráði

Leikskólans.

Fundagerðir


Fundur settur 17. september 2015 klukkan 13:00

Ákveðið að stofna reikning á kennitölu foreldrafélagsins til að foreldra geti lagt inn á til að styðja við Fiorellu sem er fósturbarn nemenda og starfsfólks skólans.

Dagsetning ákveðin á því hvenær greiðsluseðlar verða sendir út. Ákveðið að halda við sömu dagsetningu og seinustu ár, þar sem að gjalddaginn er 25.11.2015 og eindagi 2.12.2015. Einnig rætt um upphæð greiðsluseðla og hvort það þyrfti að koma til hækkunar. Einróma ákvörðun um að hækka ekki.

Fundi slitið klukkan 14:00
Gerður Rósa
Guðmundur
Gauja


19. mars 2015 Aðalfundur foreldrafélagsins kl 19:30

Aníta formaður setur fundinn og segir frá starfi foreldrafélagsins síðasta starfsár.

Ársreikningar fyrir 2013 og 2014. Reikningar samþykktir.

Kostningar Gerður Rósa Sigurðardóttir, formaður, Guðmundur Hólmar Jónsson, gjaldkeri og Guðríður Hlín Helgudóttir, ritari. Meðstjórnandi Elsche Oda Apel.

Skólastjóri þakkaði fráfarandi stjórn vel unnin störf og bauð nýja stjórn velkomna.


Fundur foreldrafélags leikskólans Ásgarðs

Haldinn þriðjudaginn 23.september 2014

Aníta formaður setur fundinn

Hulda ræðir um fjárhag félagsins. Engar skuldir og upphæð árgjalds ákveðin sú sama.

Greiðsluseðlar verða sendir út um miðjan október. Byrjað að skoða jólagjafir fyrir börn.

Fundi slitið klukkan 22:00

Guðríður Hlín

Aníta Ellertsd.

Hulda S Jóhannesd.

13. mars 2014

Aðalfundur foreldrafélags leikskólans Ásgarðs

Haldinn fimmtudaginn 13. mars 2014 klukkan 20 í húsnæði Ásgarðs.

Aníta formaður setur fundinn og segir frá starfi foreldrafélagsins síðasta starfsár.

Ársreikningar fyrir 2012 og 2013 kynntir og geta foreldrar kynnt sér þá þar sem að þeir munu liggja frammi í fatahengi yngra stigs, Rauðagarðs. Eign félagsins er 97.500 krónur. Reikningar samþykktir.

Kosningar, Guðríður býður sig fram sem ritari og er það samþykkt. Teresa býður sig fram sem varamaður og það er samþykkt. Ingveldur býður sig fram sem annar varamaður og er það einnig samþykkt.

Guðrún Lára kynnir skólapúlsinn og sagði frá að verið sé að framkvæma mat á skólastarfinu meðal foreldra. Einnig sagði hún frá þeirri vinnu sem nú fer fram við gerð námskrár fyrir leikskólann Ásgarð.

Önnur mál, umræður

Fundi slitið klukkan 21.

Fundaritun Guðríður Hlín Helgudóttir

14. nóvember 2011

Fundur settur kl. 13:00 að Fífusundi 10. Ný stjórn fundin J. Fráfarandi stjórn afhendir gögn og kynnir nýrri stjórn verkefni félagsins. Ný stjórn foreldrafélagsins er:

Selma Klara Gunnarsdóttir-formaður,

Ingveldur Linda Gestsdóttir-ritari,

Rannveig Aðalbjörg Hjartardóttir-gjaldkeri.

Meðstjórnendur: Sesselja Aníta Ellertsdóttir og Bertha Kristín Óskarsdóttir.

Þær eru boðnar hjartanlega velkomnar!

Fleira ekki tekið fyrir, fundi slitið kl. 14:00

Þorbjörg Inga Ásbjarnardóttir,

Elísa Ýr Sverrisdóttir,

Ingveldur Linda Gestsdóttir,

Selma Klara Gunnarsdóttir.

21. september 2011

Aðalfundur Foreldrafélags leikskólans Ásgarðs, haldinn miðvikudaginn 21.09 2011. Stjórnin mætt. Fundur settur kl. 18:00 af formanni sem býður gesti velkomna. Formaður fer yfir Sumarhátíðina sem tókst mjög vel. Styrktaraðilar voru KVH, Söluskálinn Harpa, Bakaríið Hvammstanga og Fæðingarorlofssjóður. Þakkar stjórnin þeim kærlega fyrir.

Gjaldkeri fer yfir ársreikninga og breytinguna sem varð á félagsgjöldunum á síðasta aðalfundi í febrúar. Inneign í félaginu 7. sept 2011 515 kr. Reikningar samþykktir.

Ákveðið að senda póst til foreldra um hvort þeir vilji nýta sér að fá félagsgjöldin eingöngu send í heimabankann og sleppa innheimtuseðlum. Ákveðið að hafa þau áfram 2500 kr. per. heimili.

Kosningar-á eftir að ná á fólk sem vill gefa kost á sér í félagið! Formaður , ritari og gjaldkeri mega fara út núna.

Önnur mál: Guðrún Lára Magnúsdóttir leikskólastjóri ræðir um forvarnir og umræðu í tengslum við njálgtilfelli sem komið hafa upp. Leggur áherslu á að það þurfi að huga að þessu hjá öllum og fylgjast vel með þar sem virðist vera erfitt að uppræta hann. Kynnir einnig þróun Flæðisins og verkefni því tengt sem heitir ,, Leikur er barna yndi ". Styrkurinn úr Sprotasjóði verður nýttur í þetta verkefni. Að lokum gafst fundargestum kostur á að labba um skólann með henni og skoða sig um.

Fleira ekki tekið fyrir, fundi slitið kl. 19:20.

Elísa Ýr Sverrisdóttir,

Ína Björk Ársælsdóttir og

Þorbjörg Inga Ásbjarnardóttir.

9. september 2011

Fundur settur kl. 15:10 í Ráðhúsi. Mættar Elísa Ýr Sverrisdóttir, Ína Björk Ársælsdóttir og Þorbjörg Inga Ásbjarnardóttir.

Rætt um Aðalfund Foreldrafélagsins og ákveðið að halda hann 21. september nk. kl. 18:00. Fundarboð verður sent í tölvupósti til foreldra og einnig auglýst upp á töflu í leikskólanum. Mælst til að félagsgjöldin verði áfram 2500 kr. en það verður rætt á Aðalfundinum. Einnig á að ræða hvort vilji sé fyrir að hætta að senda út greiðsluseðla og koma leikskólagjöldin þá eingöngu inn í heimabankann hjá foreldrunum. Það yrði sparnaður fyrir foreldrafélagið þar sem ekki þyrfti þá að kosta útprentun greiðsluseðlanna. Einnig myndi það samræmast Grænfánaverkefni leikskólans um að minnka pappírsnotkun.

Fleira ekki rætt, fundi slitið kl. 15:55.

Elísa Ýr Sverrisdóttir,

Ína Björk Ársælsdóttir og

Þorbjörg Inga Ásbjarnardóttir.

8. júní 2011

Fundur á Hlöðunni settur kl 12:00. Mætt Elísa Ýr Sverrisdóttir, Ína Björk Ársælsdóttir, Valdimar Gunnlaugsson, Erla Björg Kristinsdóttir og Þorbjörg Inga Ásbjarnardóttir.

Rætt um fyrirkomulag og undirbúning fyrir Sumarhátíðina 23. júní nk. Ákveðið að leita til fyrirtækja hér á svæðinu um að gefa hráefni sem þarf fyrir Sumarhátíðina. Nefndin skiptir verkum að tala við forsvarsmenn fyrirtækja. Ákveðið að panta smá gjöf fyrir börnin, lítinn bolta í ár. Sumargjöf frá foreldrafélaginu 15.000 kr. sem verður ráðstafað í leikföng sem á að kaupa á leikskólanum.

Fleira ekki tekið fyrir, fundi slitið kl. 12:50.

Elísa Ýr Sverrisdóttir,

Ína Björk Ársælsdóttir,

Valdimar Gunnlaugsson,

Erla Björg Kristinsdóttir og

Þorbjörg Inga Ásbjarnardóttir.

28. febrúar 2011

Aðalfundur Foreldrafélags leikskólans Ásgarðs. Stjórnin mætt.

  • Formaður setti fund kl. 20:00, bauð alla velkomna og fór yfir þau atriði sem foreldrafélagið kom að á árinu. Öskudagur, Sumarhátíðin, ljósmyndatakan og jólaballið. Sumargjöfin frá foreldrafélaginu var 15.000 kr. og var nýtt í útileikföng fyrir börnin. Styrktaraðilar fyrir sumarhátíðina voru KVH, Bakaríið Hvammstanga, Söluskálinn Harpa og Fæðingarorlofssjóður. Hátíðin tókst í alla staði mjög vel. Styrktaraðilum færðar kærar þakkir fyrir.
  • Gjaldkeri fór yfir reikninga síðasta árs. Inneign í félaginu er 30.369. Reikningar samþykktir.
  • Reglugerðarbreyting-sjá 4. gr í lögum Foreldrafélags leikskólans Ásgarðs um að aðalfundur sé haldinn fyrir febrúarlok ár hvert-borið upp til atkvæða um að breyta tímasetningu aðalfundarins og halda hann héðan í frá í september ár hvert. Tillagan samþykkt. Einnig 6.gr laganna um að félagsgjöld séu innheimt í upphafi hvers árs. Tillaga stjórnar að tímabilið verði frá september-september ár hvert. Tillagan samþykkt.
  • Leikskólastjóri Guðrún Lára Magnúsdóttir fór yfir það helsta sem gert hefur verið á árinu. Allt starf skólans má kynna sér á heimasíðu leikskólans. Nýr linkur kominn þar inn með ársskýrslu skólans. Minnti á síðasta starfsdag skólaársins 1. apríl nk. Þá munu starfsmennirnir fara á Akureyri á sjálfsstyrkingarnámskeið o. fl. Líður að því að leikskólinn sækji um Grænfánann og unnið að því verkefni. Breyting á innra starfi skólans-Flæði innleitt. Gekk mjög vel og börnin virðast njóta þess vel. Starfsfólkið vinnur að því að afla sér frekari upplýsinga um það og vinna áfram að því. Áhersla á hollan mat og stöðugt unnið áfram í þeim efnum. Ræddi um prestatíma leikskólans og fór yfir að þegar barn byrjar á leikskólanum þá er farið yfir með foreldrum að það er val þeirra hvort barnið sé í prestatímum. Ef svo er ekki eru fundin önnur úrræði fyrir barnið. Kemur í rauninni í staðinn fyrir sunnudagaskólann sem var í kirkjunni áður. Leikskólastjóri endaði svo á að ganga með fundargestum um leikskólann og kynna flæðisstöðvarnar.

Fleira ekki gert-fundi slitið kl. 22:00.

Elísa Ýr Sverrisdóttir,

Ína Björk Ársælsdóttir,

Valdimar Gunnlaugsson og

Þorbjörg Inga Ásbjarnardóttir.

27. janúar 2011

Fundur settur kl. 11:00. Mætt eru Elísa Ýr Sverrisdóttir, Ína Björk Ársælsdóttir, Hrafnhildur Víglundsdóttir,Valdimar Gunnlaugsson og Þorbjörg Inga Ásbjarnardóttir.

  • Dagsetning ákveðin fyrir aðalfund Foreldrafélags leikskólans Ásgarðs 28. febrúar nk. kl 20:00. Hrafnhildur sér um að útbúa fundarboðið. Rætt um breytingar á starfsárinu, að framvegis verði það frá sept-sept svo núverandi stjórn sitji þá áfram til hausts. Þetta verður tekið fyrir á aðalfundinum.
  • Leikskólinn fékk góðgæti að gjöf frá KVH handa krökkunum fyrir öskudagsballið. Þökkum kærlega fyrir það!
  • Rætt um prestatímana á leikskólanum. Borist hafa kvartanir til foreldrafélagsins. Ákveðið að formaður komi þeim áleiðis til leikskólastjóra.

Fleira ekki rætt, fundi slitið kl. 12:00

Elísa Ýr Sverrisdóttir,

Ína Björk Ársælsdóttir,

Hrafnhildur Víglundsdóttir,

Valdimar Gunnlaugsson og

Þorbjörg Inga Ásbjarnardóttir.

30. nóvember 2010

Fundur settur kl. 9:00. Mætt eru Elísa Ýr Sverrisdóttir, Ína Björk Ársælsdóttir, Hrafnhildur Víglundsdóttir og Valdimar Gunnlaugsson.

  • Rætt um fyrirkomulag jólaballsins á leikskólanum. Ákveðið að gefa minnisspil í jólagjafir til barnanna. Elísa Ýr tekur að sé að panta gjafirnar og sjá um flutning. Búið að finna menn í " aðalhlutverkin " á ballinu.
  • Myndatakan tókst mjög vel. Auja ljósmyndari kom 28. september sl. Hún bauð mjög góð kjör á myndum og var pakkinn samansettur af hópmynd af öllum börnum á deildinni og einstakslingsmynd.

Verð:

1 barn: 2500 kr.

2 börn: 4000 kr.

3 börn: 5500 kr.

Foreldrafélagið greiddi einungis akstur og fæði fyrir ljósmyndarann og alla hennar vinnu.

Fleira ekki rætt, fundi slitið kl. 10:05

Elísa Ýr Sverrisdóttir,

Ína Björk Ársælsdóttir,

Hrafnhildur Víglundsdóttir og

Valdimar Gunnlaugsson.

25. febrúar 2010

Aðalfundur foreldrafélags Leikskólans Ásgarðs.

Fundur settur kl. 18:05 á Bláagarði.

Mættir eru úr stjórn:

-Hörður Gylfason, formaður

-Ína Björk Ársælsdóttir, gjaldkeri

-Þorbjörg Inga Ásbjarnardóttir, meðstjórnandi

  1. Formaður setur fundinn og les upp skýrslu stjórnar. Fer yfir helstu afrek foreldrafélagsins á liðnu ári, sem felast helst í gjöfum fyrir börnin á öskudegi, sumargjöf til leikskólans, sumarhátíð og jólagjöf fyrir börnin.
  2. Gjaldkeri fer yfir ársreikninga, greidd félagsgjöld lægri en ráðstöfuðu fé svo félagið er rekið með tapi. Var til inneign í félaginu sem hefur verið gengið á en er nú búin. Ársreikningur samþykktur.
  3. Rætt um að hækka félagsgjöldin, tillaga stjórnar að hækka gjöldin úr 1800 kr í 2500 kr. Erfitt að ná endum saman vegna hækkana á öllu svo þörf á að hækka gjöldin. Tillagan samþykkt.
  4. Lagabreyting. Tillaga að 9. gr. laga

-Árlega skulu skipaðir 3 fulltrúar úr stjórn foreldrafélagsins til setu í foreldraráði leikskólans.

Tillagan samþykkt.

  1. Kosningar. Hörður gefur ekki kost á sér í stjórn en Ína Björk gerir það. Þorbjörg og Hrafnhildur sitja áfram í stjórn. Elísa Ýr Sverrisdóttir og Valdimar Gunnlaugsson kosin ný í stjórn. Hörður gefur kost á sér til varamanns og einnig Erla Björg Kristinsdóttir. Kosningar samþykktar. Herði þakkað fyrir góð störf.
  2. Leikskólastjóri Guðrún Lára Magnúsdóttir tekur til máls og býður nýja stjórn velkomna og þakkar fráfarandi fyrir vel unnin störf. Kynnir Tákn með tali og innlögn þess á leikskólanum. Kynnt betur fyrir foreldrum eftir því sem það er notað meira á leikskólanum. Guðrún Lára kynnir einnig Grænfánaverkefnið sem Leikskólinn Ásgarður er nú orðinn aðili að. – Leikskóli á grænni grein - . Stöðug þróun og vakning í því verkefni að hugsa vel um umhverfi okkar – hugsað til framtíðar. Lýsir eftir áhugasömum foreldra til að vinna með leikskólanum vegna þessa umhverfisverkefnis.

Ræðir um hliðmál, stendur til að færa hliðið. Muna eftir að loka hliðinu.

Muna eftir að slökkva á bílum sem lagt er á stæðinu.

Sumargjöf frá foreldrafélaginu, ákveðið að kaupa annað en myndavél sem upphaflega var rætt um og kaupa e-ð annað sem nýtist leikskólanum.

Gærurnar gáfu 100.000 kr til leikskólans, ákveðið að verja þeim pening til leikfangakaupa.

Til stendur að starfsfólk leikskólans láti prenta á háskólaboli sem verða til sölu sem fjáröflun vegna mennta/skemmtiferðar þeirra nú í sumar. Peysurnar eru ætlaðar börnum á leikskólanum með merki leikskólans og fleiru prentuðu á.

  1. Önnur mál:

-Rætt um skólarútuna og öryggisbúnað í henni. Hvort venjuleg belti séu nægur öryggisbúnaður fyrir svona lítil börn. Samkvæmt reglugerð rútunnar er svo.

-Lýsing á lóð, til stendur að setja upp ljósastaur sem lýsir svæðið fyrir neðan leikskólann að norðan.

-Gangbraut. Nauðsynlegt að koma upp gangbraut við leikskólann yfir Garðaveginn. Löglegur 30 km. hámarkshraði á Garðavegi.

Fundi slitið kl. 19:25. Hörður Gylfason, Ína Björk Ársælsdóttir, Þorbjörg Inga Ásbjarnardóttir.

17. febrúar 2010

Fundur settur kl. 9:30. Mættar eru:

-Ína Björk Ársælsdóttir, gjaldkeri

-Þorbjörg Inga Ásbjarnardóttir, meðstjórnandi

-Hrafnhildur Víglundsdóttir, meðstjórnandi

Uppkast gert að auglýsingu fyrir Aðalfund foreldafélagsins sem á að vera í næstu viku 25. febrúar. Ákveðið að breyta tímasetningu og hafa fundinn kl. 18:00 og athuga hvernig það mælist til. Rætt um undirbúning fundarins og ákveðið að hittast 25. febrúar kl. 17:00 fyrir fund. Ína Björk tekur að sér að ljósrita auglýsingu og fara með upp í leikskóla.

Fundi slitið kl. 10:05

Ína Björk Ársælsdóttir, Þorbjörg Inga Ásbjarnardóttir, Hrafnhildur Víglundsdóttir.

11. febrúar 2010

Fundur settur kl. 15:10. Mættar eru:

-Ína Björk Ársælsdóttir, gjaldkeri

-Þorbjörg Inga Ásbjarnardóttir, meðstjórnandi

-Hrafnhildur Víglundsdóttir, meðstjórnandi

Rætt um öskudagsundirbúning. Foreldrafélagið hefur gefið smá glaðning í tunnuna en nú ætlar Fæðingarorlofssjóður að gefa öllum börnum íspinna á öskudaginn svo nú er spurning hvað foreldrafélagið eigi að gefa. Ákveðið að reyna að finna eitthvað lítið dót eða nammi til að setja í tunnuna, fer eftir verði.

Ákveðið að Aðalfundur foreldrafélagsins verði í síðustu vikunni í febrúar en foreldrafélagið hittist í næstu viku.

Fundi slitið kl. 15:45.

Ína Björk Ársælsdóttir, Þorbjörg Inga Ásbjarnardóttir, Hrafnhildur Víglundsdóttir.

20. nóvember 2009

Fundur settur kl. 9:00. Mætt eru:

-Hörður Gylfason, formaður

-Ína Björk Ársælsdóttir, gjaldkeri

-Katrín Ósk Guðmannsdóttir, ritari

-Þorbjörg Inga Ásbjarnardóttir, meðstjórnandi

-Hrafnhildur Víglundsdóttir, meðstjórnandi

-

Rætt um jólagjafir til barnanna. Ákveðið að kaupa frumskógardýr í poka fyrir alla. Ekki þörf á að pakka inn, eru í poka. Þorbjörg tekur að sér að finna " aðalmennina" fyrir Litlu jólin. Hörður sér um að panta jólagjafirnar og fara með upp á leikskóla.

Fundi slitið kl 10:00.

Hörður Gylfason, Ína Björk Ársælsdóttir, Katrín Ósk Guðmannsdóttir, Þorbjörg Inga Ásbjarnardóttir, Hrafnhildur Víglundsdóttir, meðstjórnandi

29. september 2009
Fundur settur kl. 14:45.
Mættir eru:

Hörður Gylfason, formaður
Ína Björk Ársælsdóttir, gjaldkeri
Katrín Ósk Guðmannsdóttir, ritari
Þorbjörg Inga Ásbjarnardóttir, meðstjórnandi
Hrafnhildur Víglundsdóttir, meðstjórnandi
Guðrún Lára Magnúsdóttir, leikskólastjóri

1. Rætt um stofnun foreldraráðs leikskólans og hvort hafa eigi það
sameiginlega með foreldrafélaginu. Ákveðið að í foreldraráði séu
sömu aðilar og í foreldrafélaginu. Formaður, gjaldkeri og ritari
sjálfkjörnir í foreldraráðið og hinir tveir stjórnarmenn séu
varamenn. Þarf að setja inn ný ákvæði um lög foreldrafélagsins
varðandi breytinguna. Hrafnhildur tekur að sér að gera uppkast að
þeim.
2. Byrjað að ræða jólagjafir, hafa augun opin.
3. Athuga með ljósmyndara fyrir myndatöku.


Fundi slitið kl. 15:50

24. apríl 2009

Fundur settur kl 15:00

Mættir eru:

-Hörður Gylfason, formaður

-Ína Björk Ársælsdóttir, gjaldkeri

-Þorbjörg Inga Ásbjarnardóttir, meðstjórnandi

-Hrafnhildur Víglundsdóttir, meðstjórnandi

1.Ákveðið að styrkja myndavélakaup á Ásgarði um 15.000 kr, sem sumargjöf.

2. Tilnefningar til heimilis og skóla:

1. Samstarfsverkefni leikskóla og grunnskóla fyrir elsta hóp leikskólabarna.

2. Hvatningarverðlaun til Þorbjargar Valdimarsdóttur fyrir stuðningskennslu fyrir son sinn Valdimar Tryggva Hannesson.

3. Athuga hvort að starfsdagar geti dreifst meir á vikudagana svo þeir lendi ekki alltaf á þeim sömu.

4. Ákveðið að halda foreldrafund með stjórn og foreldrum í vetur. Til að ræða hlutverk foreldrafélagsins og starf foreldra.

Fundi slitið kl. 16:00

28. janúar 2009

Aðalfundur Foreldrafélags leikskólans Ásgarðs

Fundur settur kl. 20:05. Stjórnin öll mætt.

  1. Skýrsla stjórnar. Hörður les upp skýrslu stjórnarinnar. Fer yfir breytingar á innheimtu gjalda til foreldrafélagsins. Rætt um myndatökuna sem gafst vel og vonar stjórnin að hægt sé að halda þessu áfram annað hvert ár. Sumarhátíðin tókst vel fyrir utan rokið! Jólagjöfin var einnig vel heppnuð.
  2. Ína Björk fer yfir ársreikninga foreldrafélagsins. Kom vel út. Stofnuð kennitala og fyrirkomulagi innheimtu breytt sem skilaði sér vel inn. Betra með nýja fyrirkomulaginu í formi greiðsluseðla í gegnum Sparisjóðinn. Ný lög samþykkt.
  3. Kosning nýrra manna í stjórn. Kosið í stað Ragnheiðar og Sigurðs. Hrafnhildur Víglundsdóttir og Þorbjörg Inga Ásbjarnardóttir nýjar í stjórn. Elísa Sigríður Guðmundsdóttir, Irina Kamp og Ragnheiður Sveinsdóttir kosnir varamenn.
  4. Ávarp leikskólastjóra Guðrúnar Láru Magnúsdóttur. Fór yfir starf leikskólans s.l. ár.
  5. Önnur mál:

-Athugasemd um söndun og mokstur á bílaplani leikskólans. Leikskólastjóri svarar og segir málið í vinnslu.

-Foreldrafélagið fær hrós fyrir framlag sitt með myndatökuna. Einnig þakkað fyrir framtak leikskólans sem prýðir vegg í Austurstræti í Reykjavík.

-Gagnrýni á könnunina um sumarlokunina. Kallar á umræðu um að sveitarstjórn og fræðsluráð breyti þessu fyrirkomulagi. Spurt um afstöðu stjórnar foreldrafélagsins. Hörður svarar og segir foreldrafélagið búið að koma sínu til skila með því að hafa sett fram könnunina. Beiti sér ekki sérstaklega fyrir þessu sem þrýstihópur.

-Spurt hvort sumarlokunin sé samfelld vegna kostnaðar. Hvort hann aukist sé því breytt. Guðrún Lára svarar og segir það ekki eingöngu ástæðuna. Hún sé ekki tilbúin að breyta þessu nema að fá skipun um það frá sveitarstjórn.

-Athugasemd um kaffitímann. Að bjóða einnig upp á vatn en ekki eingöngu mjólk. Guðrún Lára svarar og segir leikskólann beita sér fyrir að fylgja ráðleggingum Manneldisráðs í máltíðum og því sé eingöngu boðið upp á mjólk í kaffitímunum. Reyni að koma til móts við óskir foreldra en fylgi samt stefnu leikskólans í sambandi við matarvenjur.

-Athugasemd um hvort ekki sé nóg að foreldrar biðji um að barn sitt fái að sleppa ákveðinni fæðutegund án þess að framvísa læknisvottorði. Vanti meiri sveigjanleika.

-Formaður foreldrafélagsins hvetur foreldra til að koma með ábendingar til foreldrafélagsins sem þeim vanti stuðning með.

-Fyrirspurn um ömmu og afadag. Guðrún Lára svarar og segir að auglýst hafi verið að staðgenglar hafi að sjálfsögðu verið velkomnir. Allir velkomnir þó ekki séu amma eða afi þar sem ekki öll börn eigi ömmur og afa sem eru á svæðinu. Einnig tekið fram að allir séu ávallt velkomnir til að fylgjast með starfi leikskólans.

-Umræða um nýja læsingu á hlið leikskólans. Guðrún Lára svarar og segir hafa hug á að breyta staðsetningu þess. Athuga með nýja festingu hjá áhaldahúsi.

-Athugasemd með bætta lýsingu á útisvæði leikskólans.

-

Formaður þakkar fyrir fundinn og þakkar fráfarandi stjórnarmönnum sitt starf. Fundi slitið kl. 21:45.

15. janúar 2009

Fundur settur kl. 22:00. Mættir eru:

-Hörður Gylfason, formaður

-Ína Björk Ársælsdóttir, gjaldkeri

-Katrín Ósk Guðmannsdóttir, ritari

-Ragnheiður Sveinsdóttir, meðstjórnandi

-Sigurður Björn Gunnlaugsson, meðstjórnandi

  1. Rætt um niðurstöður könnunar um sumarlokunina.
  2. Ákveðin dagsetning fyrir aðalfundinn. Tillaga um 28. janúar. Hörður ræðir við Guðrúnu Láru og ætlar að staðfesta dagsetninguna. Farið yfir uppsetningu fundarins. Ákveðið að hafa ræðupúlt á fundinum til að fólk geti komið upp og tjáð sig. Einnig til að fólk geti talað án þess að gripið sé fram í fyrir því. Sigurður og Ragnheiður sjá um framkvæmd kosninga til nýrra mann í stjórn.

Fundi slitið kl. 23:20

18. júní 2008

Fundur settur kl. 17:30. Mættir eru:

-Hörður Gylfason, formaður

-Ína Björk Ársælsdóttir, gjaldkeri

-Katrín Ósk Guðmannsdóttir, ritari

-Ragnheiður Sveinsdóttir, meðstjórnandi

-Sigurður Björn Gunnlaugsson, meðstjórnandi

  1. Ákveðin innkaup fyrir sumarhátíðina 20. júní. Allt með sama sniði; pylsur, safi og ávextir.
  2. Sumargjöfin í ár: Hópmyndirnar af leikskólabörnunum prentaðar á álplatta.
  3. Myndatakan gekk mjög vel. Næstum allir búnir að greiða fyrir og fá myndirnar afhentar.
  4. Ragga talar um leikskólagjöldin. Undirskriftalisti í smíðum til að fá leikskólagjöldin lækkuð í samræmi við það sem er í öðrum sveitarfélögum t.d. Norðurbyggð.
  5. Siggi talar um hvort hjálmar séu skylda á þríhjólum sem er víst ekki.

Fundi slitið kl.18:30.

Hörður Gylfason, Ína Björk Ársælsdóttir, Katrín Ósk Guðmannsdóttir, Ragnheiður Sveinsdóttir, Sigurður Björn Gunnlaugsson.

13. maí 2008

Fundur settur. Mættir eru:

-Hörður Gylfason, formaður

-Ína Björk Ársælsdóttir, gjaldkeri

-Katrín Ósk Guðmannsdóttir, ritari

-Ragnheiður Sveinsdóttir, meðstjórnandi

-Sigurður Björn Gunnlaugsson, meðstjórnandi

-Guðrún Lára Magnúsdóttir, leikskólastjóri

  1. Rædd drög að námskrá og nokkrir punktar sem Sigurður Grétar Sigurðsson setti fram.

-Það er að uppsagnarfrestur þurfi að miðast við mánaðarmót sem er sveitarfélagsins að ákveða. Finnst vanta meiri sveigjanleika ef að barn þarf t.d. að hætta um miðjan mánuð.

-Einnig að athuga orðalag, finnst það of harkalegt.

-Hægt er að nálgast stundaskrá og dagsskipulag.

-Veikindi, komið inn á með óþol og ofnæmi.

-Foreldrafélagsgjaldið

  1. Hörður Gylfason ræðir bænagjörð í prestatíma.
  2. Farið yfir skóladagatal án athugasemda.
  3. Rætt um sumargjöf til leikskólans frá foreldrafélaginu og tekin ákvörðun um hana.
  4. Talað um fræðsluráðsfund.
  5. Hvað verður gert við niðurstöður úr könnun um sumarlokun. Guðrún Lára spyr hvort hægt sé að sameina könnun um viðhorf til leikskólans og sumarlokun.

Fundi slitið kl. 19:10.

Hörður Gylfason, Ína Björk Ársælsdóttir, Katrín Ósk Guðmannsdóttir, Ragnheiður Sveinsdóttir, Sigurður Björn Gunnlaugsson, Guðrún Lára Magnúsdóttir.

14. apríl 2008

Fundur settur. Mættir eru:

-Hörður Gylfason, formaður

-Ína Björk Ársælsdóttir, gjaldkeri

-Katrín Ósk Guðmannsdóttir, ritari

-Ragnheiður Sveinsdóttir, meðstjórnandi

-Sigurður Björn Gunnlaugsson, meðstjórnandi

  1. Foreldrafélagið komið með kennitölu.
  2. Farið að senda út greiðsluseðla. Gjalddagi verður þá 1. maí og eindagi 1. júní. Seðlarnir verða inni á heimabönkum til áramóta. Eru að sjálfsögðu valgreiðsluseðlar.
  3. Aftur rætt um sumargjöfina, ákveða á næsta fundi.
  4. Næsti fundur ákveðinn 13. maí kl. 17:30

- skipulagning sumarhátíðar

- bjóða Guðrúnu Láru að koma og ákveða gjöfina frá foreldrafélaginu.

Fundi slitið.

Hörður Gylfason, Ína Björk Ársælsdóttir, Katrín Ósk Guðmannsdóttir, Ragnheiður Sveinsdóttir, Sigurður Björn Gunnlaugsson.

11. mars 2008

Fundur settur. Mættir eru:

-Hörður Gylfason, formaður

-Ína Björk Ársælsdóttir, gjaldkeri

-Katrín Ósk Guðmannsdóttir, ritari

-Ragnheiður Sveinsdóttir, meðstjórnandi

-Sigurður Björn Gunnlaugsson, meðstjórnandi

  1. Rætt um fyrirkomulagið á innheimtu gjalda fyrir foreldrafélagið. Hvort eigi að láta bankann sjá um að senda út reikningana og FLÁ borgar seðilgjaldið. Ef til vill að hækka gjaldið til að dekka þann kostnað. Engin ákvörðun tekin, gjaldkeri ætlar að kynna sér málið enn betur.
  2. Ína tilkynnir að búið sé að fá ljósmyndarann Auði Þórhallsdóttur til að koma og mynda börnin. Myndatakan fer fram 10. apríl n.k. og búið er að útbúa blöð fyrir foreldra til að skrá börn sín.
  3. Velt aftur fyrir sér sumargjöf....
  4. Næsti fundur ákveðinn mánudaginn 14. apríl kl. 17:30 á Café Sirop.

Fundi slitið.

26. febrúar 2008

Ný stjórn kemur saman. Allir mættir.

-Hörður Gylfason, formaður

-Ína Björk Ársælsdóttir, gjaldkeri

-Katrín Ósk Guðmannsdóttir, ritari

-Ragnheiður Sveinsdóttir, meðstjórnandi

-Sigurður Björn Gunnlaugsson, meðstjórnandi

  1. Rætt um að gera skoðanakönnun um viðhorf foreldra til sumarlokunar leikskólans. Tekin ákvörðun um að útbúa könnun en senda út í ágúst.
  2. Ína kemur með þá tillögu að fá ljósmyndara til að mynda leikskólabörnin. Allir taka vel í það og samþykkja. Einnig mun foreldrafélagið veita afslátt s.s. systkinaafslátt af hópmyndum. Foreldrum sem eiga börn á fleiri en einni deild greiða fullt gjald fyrir fyrstu hópmyndina en fá 50 % afslátt af næstu myndum.
  3. Rætt um sumargjöf til leikskólans. Tillaga um útileikföng t.d. kofa. Ákveðið að ræða við Guðrúnu Láru um þetta og ákveða svo endanlega.
  4. Sigurður Grétar kemur og afhendir nýrri stjórn þetta líka fína minnisblað fyrir ritara FLÁ til viðmiðunar.
  5. Næsti fundur ákveðinn 11. mars kl. 17:30.

Fundi slitið.

4. febrúar 2008.

Fráfarandi stjórn kom saman. Mætt eru Sigurður Björn, Sigurður Grétar, Ragnheiður og Irina. Elsche komst ekki.

  1. Ákveðið að klára öskudagsgjöf. Í samráði við leikskólastjóra var ákveðið að öll börn fái poppkorn í poka. Einnig ákveðið að láta tvo blöðrupoka fyljga með til notkunar. (Hætt var við blöðrurnar því ekki voru til hentugar blöðrur, innsk. SGS)
  2. Ákveðið að skrifa fréttabréf með yfirliti yfir starf félagsins frá aðalfundi 2006 til og með sl. aðalfundi. SGS tekur málið að sér og gerir uppkast.
  3. Fundi slitið kl. 18.10.

Sigurður G. Sigurðsson

AÐALFUNDUR FORELDRAFÉLAGS LEIKSKÓLANS ÁSGARÐS

31. JANÚAR 2008

1.Formaður setur fund kl. 20.12.

2.Skýrsla stjórnar. Stiklað á stóru úr fundargerðum. Sigurður Björn.

3.Reikningar. Elsche fór yfir reikningana. Varpar fram hugmynd um að láta bankann innheimta. Láta bankann innheimta. Umræður um skýrslu og reikninga. Athugasemd við t.d. hvað börn fá að gjöf. Taka þetta til skoðunar m.t.t. ofnæmis ofl.

4.Sigurður Grétar fór yfir lög. Nokkrar umræður. Samþykkt með þorra atkvæða.

5.Kosningar. Ragga og Sigurður Björn halda áfram. Katrín Guðmannsdóttir, Ína Björk Ársælsdóttir og Hörður Gylfason gáfu kost á sér. Samþykkt samhljóða.Varamenn: Tryggvi Rúnar, Sigurður Grétar og Irina.

6.Önnur mál.

Sumarlokun. Miklar umræður. Skiptar skoðanir. Ákveðið að kanna hug foreldra til styttri lokunar til þess að foreldrar hafi meira val um þann samfellda tíma (4 vikur) sem börnin eru í fríi. Guðrún Lára kom á fundinn. Þakkaði gott samstarf við foreldrafélagið. Gagnrýndi hringl með fundarboð sitt. Færði rök fyrir 4 vikna sumarlokun.

Rætt um snjóbræðslu, lýsingu á plani, fyrirhugaðar lóðaframkvæmdir. Guðrún Lára sagði frá þróunarverkefni sem er í gangi innan leikskólans meðal starfsmanna í samstarfi við Guðjón Ólafsson.

Fundi slitið kl. 22.22.

Fundarritari: Sigurður Grétar Sigurðsson

---------------------------------------------------------------------------------------

ÚTSENT BRÉF

11. jan. 2008

Byggðaráð Húnaþings vestra

Með vísan í bréf dags. 18.12.08 sendir stjórn foreldrafélags Leikskólans Ásgarðs frá sér eftirfarandi umsögn um frumvarp til laga um leikskóla:

A)

Stjórn foreldrafélags Leikskólans Ásgarðs leggur til að í markmiðsgrein (2. gr.) laganna verðið stuðst við orðalag frumvarps til grunnskólalaga en orðalaginu "kristilegt siðgæði" skeytt við. Greinin gæti t.a.m. verið orðuð svona:

"Starfshættir leikskóla skulu mótast af kristilegu siðgæði s.s umburðarlyndi, jafnrétti, lýðræðislegu samstarfi, ábyrgð, umhyggju, sáttfýsi og virðingu fyrir manngildi".

Greinargerð: Þeir þættir sem taldir eru upp falla allir undir kristilegt siðgæði. Orðalagið kristilegt siðgæði hefur hins vegar meiri kjölfestu sem viðmið, stendur á rótfastari grunni og gefur tóninn fyrir nánari útskýringu á þeim hugtökum sem á eftir fara. Manngildi getur t.a.m. verið afar breytilegt eftir samfélögum og trúararfur hefur þar mikið að segja. Orðalagið kristilegt siðgæði gerir ekki kröfu um trúarjátningu eða trúarafstöðu en útskýrir augljóslega rætur gildismatsins.

B)

11. grein fjallar um stofnun foreldraráðs. Stjórn foreldrafélagsins sér ekkert þessu til fyrirstöðu þó foreldrafélag hafi hingað til haft ýmis þau mál á sinni könnu sem færu undir foreldraráð. Þó er vert að spyrja hvers vegna sett er á stofn foreldraráð í leikskólanum en skv. frumvarpi til grunnskólalaga á að leggja foreldraráð grunnskóla niður og setja á stofn skólaráð sem er talsvert öðruvísi samsett en foreldraráð. E.t.v. gæti verið heppilegt að hafa sambærilegt ráð í leikskólanum. Stjórnin mælir með því að höfundar frumvarps velti þessu atriði fyrir sér.

Fyrir hönd stjórnar foreldrafélags leikskólans Ásgarðs,

___________________________________

Sigurður Björn Gunnlaugsson, formaður

------------------------------------------------------------------------------

8.janúar 2008. Stjórnarfundur.

Mætt eru Sigurður Björn, Ragnheiður, Elsche, Irina og Sigurður Grétar.

1.Rætt um frumvarp til laga um leikskóla. Ákveðið að setja nokkrar athugasemdir á blað um 2. grein og 11. grein. SGS gerir það og sendir á e-mail til yfirlestrar.

2.Aðalfundur ákveðinn 24. janúar kl. 20.00. SGS undirbýr auglýsingu. Leikskólastjóri boðaður á aðalfundinn kl. 21.00. Auglýsa fundinn til kl. 21.30.

3.Rætt um athugasemdir frá foreldrum um útbúnað barna í útiveru og atferli sem skemmir föt að óþörfu. Ákveðið að upplýsa leikskólastjóra um málið.

Fundi slitið kl. 18.54

10. des. 2007. Stjórnarfundur í safnaðarheimili kl. 17.00.

1.Jólagjöfum pakkað inn. Linda, Inga Hrund og Anna María aðstoðuðu.

2.Í ljós kom að 6 hreindýr vantaði uppá en formaðurinn gekk í málið og verða þau send með pósti á morgunn.

3.Jólasveinar á jólaballi. SGS og SB útvega.

4.ákveðið að færa leikskólanum gjafabréf að upphæð kr. 25.000 uppí hljómflutningstæki.

Fundi slitið kl. 18.40. Mætt voru SB, SGS, Ragga, Irina og Elsche.

14. nóv. Stjórnarfundur í safnaðarheimili.

1.Formaður bauð velkomin. Mætt eru Sigurður Björn, Irina, Ragnheiður, Elsche og Sig. Grétar. Gestur er Guðrún Lára.

2.Farið yfir drög að foreldrahandbók. Almenn ánægja með plaggið. Nokkrar umræður um matarmál, veikindi ofl.

3.Guðrún Lára kynnti plagg "samskipti Grunnskóla Húnaþings vestra og Leikskólans Ásgarðs. Einnig kynnti hún ljósmyndaverkefni sem listamaður vinnur að. Kynnt blað um málörvun barna sem til stendur að senda út.

4.Rætt um komandi aðalfund. Guðrún Lára mun koma undir liðnum Önnur mál.

5.Reikningar skoðaðir. Aðalfundur undirbúinn. Ragga og Elsche undirbúa veitingar.

Fundi slitið kl. 19.01.

Stjórnarfundur 6. nóv. 2007 í safnaðarheimili. Mætt eru Sigurður Björn, Elsche, Ragnheiður og Sigurður Grétar.

1.Formaður setti fund og sagði frá tveimur fræðsluráðsfundum síðan við funduðum síðast. Þar voru almenn atriði s.s. tölur um barnafjölda, starfsmannamál, sl. viku var farið yfir fjárhagsáætlun auk þess sem Guðrún lára kynnti drög að skipulagi lóðarinnar. Gert er ráð fyrir að bæta þurfi við 50% v. fjölda í árgangi 2006. Það þarf til sumars 2008 eða þar til 2002 árgangur fer út. Gert er ráð fyrir áframhaldandi danskennslu. Guðrún Lára talaði um þörf á húsvörslu með einhverjum hætti einkum í ljósi aukins húsnæðis. Ýmislegt smáviðhald virðist of oft sitja á hakanum að hennar mati.

2.Ákveðið að hafa aðalfund 22. nóv. kl. 19.30.

Næsti stjórnarfundur 13. nóv. kl. 17 í safnaðarheimili. Guðrún Lára boðuð. Fundi slitið kl. 18.23.

27. júní 2007 Stjórnarfundur að Hvammstangabraut 30 kl. 20.10.

1. Formaður bauð alla velkomna og sýndi viðstöddum drög að skóladagatali leikskólans Ásgarðs fyrir skólaárið 2007-8. Öllum líst vel á það og hugmyndin er góð.

2. Sumarhátíð rædd. Guðrún Lára talaði við formann og nefndi þá hugmynd að fá trúð til að skemmta á sumarhátíðinni ekki vera kost. Ákveðið að gefa leikskólanum gítar og S.G. ætlar að ráðfæra sig við aðra hugsanlega notendur og kaupa gítar. Matarmálin rædd, ákveðið að hafa líka ávexti í boði, innkaupalisti gerður. Finna þarf fólk til að aðstoða. Ákveðið að nefna andlitsmálun við G.L.M.

Fundi slitið kl. 21:25

Ragnheiður Sveinsdóttir

Elsche O. Apel

Sigurður Björn Gunnlaugsson

19. febrúar 2007. Stjórnarfundur í safnaðarheimili.

1.Formaður bauð velkomin. Gestur fundar undir 1. lið er leikskólastjóri Guðrún Lára. Dansskóli J.P.K. (Jóns Péturs og Köru) verður m. danskennslu í leikskólanum foreldrum að kostnaðarulausu. Sveitasjóður greiðir þetta. Námsskrárvinna hafin. Við fáum sent eitthvað til skoðunar sem lýtur að foreldrum. Í kjölfar þeirrar vinnu verður gefin út foreldrahandbók. Rætt um hið margumrædda korter fyrir og eftir. Sammála um að vera ósammála. Þetta eru tvö mál, ólík, annars vegar aukin gjaldtaka, hins vegar að vinna á þeim sem trassa rétta tíma. Brunastigi kominn á staðinn. Verður settur upp á suðurhlið.

2.Fréttabréf klárað. SGS prentar og fjölfaldar.

Fundi slitið kl. 18.57.

Sigurður G. Sigurðsson. Aðrir mættir: Sigurður Björn, Ragnheiður og Irina. Guðrún Lára fór eftir 1. lið.

--------------------------------------------------------------------------------------

ÚTSENT BRÉF

Hvammstanga 8. feb. 2007

Fræðsluráð Húnaþings vestra

Bt. Jón Óskar Pétursson, formaður

Efni: Hugmyndir leikskólastjóra um gjaldtöku fyrir 15 mín. hvoru megin vistunartíma.

Ágæta fræðsluráð!

Stjórn foreldrafélags leikskólans Ásgarðs á Hvammstanga vill koma eftirfarandi sjónarmiði á framfæri.

Í ljósi þess að á fræðsluráðsfundi 31. jan. sl. var enn haldið á lofti hugmyndum um að rukka sérstaklega fyrir þær 15 mínútur sem foreldrar hafa haft til að koma með og sækja börn sín fyrir og eftir vistunartíma ítrekar stjórnin mótmæli sín við þeim hugmyndum. Í málflutningi leikskólastjóra er hugmyndin einkum studd þeim rökum að nokkuð beri á því að foreldrar nýti þennan tíma í botn án þess að þurfa og fari jafnvel fram yfir þann tíma. Það hafi svo aftur í för með sér þau óþægindi fyrir starfsmenn að þeir ýmist verða of fáir með of mörg börn eða komast seinna úr vinnu en gert er ráð fyrir. Stjórnin skilur vandann og harmar að foreldrar skuli ekki í öllum tilvikum virða tímamörkin. Hins vegar telur stjórnin að þessi gjaldtaka muni á engan hátt leysa þetta vandamál. Gjaldtakan mun frekar auka á vandann, að mati stjórnar, ef foreldrar líta á það sem sjálfsagðan rétt sinn að nýta þessar mínútur í botn. Stjórnin gerir ráð fyrir því að rætt hafi verið persónulega við þá foreldra sem einkum eiga í hlut. Stjórnin telur heppilegra að fara þá leið að skerpa vel á því til hvers þessar 15 mínútur eru hugsaðar t.d. að börnin þurfi að vera komin út úr húsi og í umsjá foreldra eigi síðar en 15 mínútur yfir ellegar sé hætta á því að greiða þurfi sekt. Stjórnin hefur haft spurnir af því að slíkar sektargreiðslur hafi verið reyndar í ónefndum leikskóla með afar góðum árangri.

Virðingarfyllst f.h. stjórnar foreldrafélagins,

________________________________

Sigurður Björn Gunnlaugsson, formaður

Afrit sent leikskólastjóra og sveitarstjóra

-------------------------------------------------------------------------------------

Stjórnarfundur 5. febrúar 2007 í safnaðarheimili.

Mætt eru Sigurður Björn, Elsche, Ragnheiður, Irina og Sigurður Grétar.

1.Formaður bauð alla velkomna.

2.Sig Grétar sagði frá síðasta fræðsluráðsfundi og rakti þau mál.

3.S.B. vakti athygli á lækkun vsk. Á matvælum. Senda fyrirspurn um hugsanlega lækkun.

4.Brunavarnir. Enn er ekki kominn stigi á suðurenda. S.B. hitti slökkviliðsstjóra. Efri hæð skilgreind sem geymsla. Nefna það í bréfi.

5.S.B. ræddi við G.L. um hugsanlega inniveru barna ef heilsan er tæð án þess að vera veik. Ákveðið að ræða það á fundi með leikskólastjóra.

6.Rætt um foreldraviðtölin. Ánægja með að tengja þau afmæli þeirra. Ákveðið að óska eftir skriflegum umsögnum. Verður rætt á fundi með henni.

7.Rætt um gjafir til leikskólans. Vangaveltur um hvers eðlis gjafir skulu vera s.s. er eðlilegt að foreldrafélag sé að gefa hluti sem sjálfsagt er að leikskólinn eigi.

Fundi slitið kl. 19.04.

22. jan. 2007 Stjórnarfundur í safnaðarheimili kl. 17.00.

1.Rætt um almennan foreldrafund. Ákveðið að bíða með almennan foreldrafund.

2.Fréttabréf. Ákveðið að útbúa fréttabréf. Hafa m.a. kynningu fyrir nýliða, fréttir af aðalfundi ofl. Formaður og ritari taka málið að sér.

3.Formaður sagði frá heimasíðu leikskólans. Foreldrafélagið fær pláss þar.

4.Irina vakti máls á reglum um inniveru barna. Börn mega ekki vera inni nema hafa verið veik á undan. Stjórnin telur að endurskoða þurfi þessa reglu því stundum sé æskilegra að barn sé einni ef heilsa er tæp án þess að barn sé veikt. S.B. talar við Guðrúnu Láru um málið.

5.Öskudagur. Irina reddar góðgæti. Ath. harðfisk og blöðrur.

Fundi slitið kl. 18.08. Mætt voru Sigurður Björn, Sigurður Grétar, Ragnheiður og Irina.

7. des. 2006, stjórnarfundur í safnaðarheimili kl. 20.00. Mætt eru S.B., S.G.S, R.S., I.K.

1. Jólagjöfum pakkað inn.

2. Formaður flutti slæmar fréttir. Skv. hans upplýsingum verður gjaldskráin og fæðisgjaldið hækkað. Þó voru einnig jákvæðar fréttir. Leikskólinn fékk heimild til að kaupa einingakubba.

3. Sumarlokun. SGS kynnti sér hóflega sumarlokanir í Reykjavík. Almennt er eingöngu lokað í tvær vikur þar. Starfsfólk þar er þó almennt óánægt með það fyrirkomulag og telur mikið rót fyrir börn jafnt sem starfsfólk auk þess sem kostnaður sé býsna hár. Stjórnin ákveður að leggja lausn þessa máls í hendur starfsfólks leikskólans en væntir þó að heildarlokun verði hámark 4 vikur.

Ýmsir foreldratengdir viðburðir. Stjórnin mælir með því að viðburðir þar sem nærveru foreldra er óskað verði hafðir við upphaf dags eða lok dags, sérstaklega lok dags til að foreldrar eigi auðveldara með að komast úr vinnu.

Aðkoma foreldra að standsetningu lóðar ofl. Stjórnin tekur vel í þessa hugmynd en telur eðlilegt að stjórnun og skipulagning sé í höndum leikskólans og haft í huga að um ánægjulegt samfélag barna og foreldra sé að ræða.

Stjórnin tekur vel í að koma að námskrárvinnu og er tilbúin til að skipa fulltrúa sinn í vinnuhóp. Stjórnin telur ekki eðlilegt að fulltrúi starfsmanna sitji stjórnarfundi en telur að heppilegt sé að fulltrúi foreldra sitji starfsmannafundi þar sem málefni er vænta aðkomu foreldrafélags eru til umræðu. (Minnisblað um þessi atriði má sjá neðar á heimasíðunni dags. 11. des. 2006, innsk. SGS)

4. Fram kom að ekki hafa verið foreldraviðtöl í haust. S.B. mun athuga málið.

5. Stefnt að því að senda út fréttabréf eftir áramót en hafa almennan foreldrafund á undan.

Fundi slitið kl. 21.57, Sigurður G. Sigurðsson

Stjórnarfundur 20. nóv. 2006 í safnaðarheimili

1.Formaður setur fund og býður leikskólastjóra Guðrúnu Láru velkomna.

2.Guðrún tók til orða. Sagðist hafa kannað foreldrafélög annarsstaðar. Henni finnst geta verið meiri tenging. Athugun á námsskrá skólans fer fram og vill hún virkja foreldrafélagið í þeirri vinnu. Guðrún hefur áhuga á að virkja foreldra s.s. í standsetningu lóðar, byggja kofa í stað þess að kaupa. Verið er að óska eftir því að lóðin verði teiknuð svo hægt sé að klára hana. Arkitekt viðbyggingar lætur standa á teikningum en þrýst er á hann að skila. Aðkoma foreldra gæti t.d. verið síðdegis 1-2 tíma eða á laugardegi. Rætt um aðkomu Gula garða að litlu jólunum. Heildarfjöldi barna á öllum deildum er um 65. Rætt um sumarlokun. Guðrúnu hugnast ekki breyting á því en reiknar með 4 vikna lokun. Athuga að skoða kosti og galla sveigjanlegrar lokunar og kanna hug foreldra. Samhliða þessu mætti athuga gæsluvöll á lokunartíma leikskólans. Guðrún hefur áhuga á að leikskólinn eignist eigulegri og vandaðri leikföng. Guðrún yfirgaf fundinn kl. 18.30.

3.S.B. las bréf frá Sveitastjórn þar sem tilkynnt var að erindi okkar verði haft til hliðsjónar við gerð fjárhagsáætlunar. S.B. athugar barnasmiðjuna v. jólagjafar. Ragga athugar einnig.

Fundi slitið kl. 19.03.

Sigurður G. Sigurðsson

--------------------------------------------------------------------------------------

ÚTSENT BRÉF

Hvammstanga 7. nóv. 2006

Sveitarstjórn Húnaþings vestra (Afrit sent leikskólastjóra og form. fræðsluráðs)

Klapparstíg 2

530 Hvammstanga

Efni: Fjármál

Með vísan í fundargerð fræðsluráðsfundar 1. nóv. sl. og umræðna þar, sem þó voru ekki bókaðar, vill stjórn foreldrafélags Leikskólans Ásgarðs koma eftirfarandi skoðun sinni á framfæri.

1.Fyrirhuguð gjaldskrárhækkun um 5 %. Stjórnin mótmælir fyrirhugaðri gjaldskrárhækkun og minnir á áform sveitarstjórnar um lækkun leikskólagjalda 5 ára barna í áföngum. Við teljum það skjóta skökku við að strax að loknum kosningum skuli gjaldskrá hækkuð og álítum að lækkun gjalda á 5 ára börnin sé vegin upp með auknum álögum á hin börnin.

2.Fyrirhuguð hækkun fæðisgjalds um 10%. Stjórnin telur þetta býsna mikla hækkun. Þó fagnar stjórnin þeirri áherslu sem leikskólastjóri hefur kynnt um endurskoðun matseðils m.t.t. eflingar hollustu. Mælir stjórnin með því að í leikskóla verði höfð sömu viðmið og í grunnskóla, þ.e. að fæðisgjald standi undir raunkostnaði við hráefni.

3.Hugmyndir leikskólastjóra um gjaldtöku fyrir 15 mín. fyrir vistunartíma og 15 mín. eftir vistunartíma. Ekkert var bókað um þennan lið í fundargerð fræðsluráðs en undirritaður sat fundinn og tók þátt í þeim umræðum og mótmælti þessum hugmyndum. Stjórnin mótmælir harðlega öllum hugmyndum um gjaldtöku fyrir þessar mínútur í hvorum enda vistunartíma sem er. Þessi þjónusta hefur verið vel metin og er nauðsynleg til að jafna sveiflur. Eftirfarandi rök eru þau helstu gegn þessari gjaldtöku.

a)Sumir foreldrar eiga börn á báðum stöðum, þ.e. Garðavegi og Kirkjuvegi.

b)Sumir foreldrar eiga börn á báðum deildum á Garðavegi.

c)Margir foreldrar vinna 8 tíma á dag og þurfa að mæta á slaginu og hætta á slaginu.

d)15 mínúturnar létta líka álagið á búningsklefana þegar foreldrar koma ekki allir á nákvæmlega sama tíma.

e)Ljóst er að mjög erfitt er að draga eðlileg mörk varðandi þetta öðru vísi en að knýja foreldra til að greiða fyrir þennan tíma hvort sem hann er nýttur eða ekki.

f)Þessar hugmyndir eru hrein hækkun leikskólagjalda til viðbótar við gjaldskrárhækkun.

Stjórnin vill ennfremur taka fram að eðlilegt er að dvalagjöld á leikskólanum hér séu með því lægsta sem þekkist í ljósi þess að sveitarfélagið greiðir nær öllum starfsmönnum leiðbeinendataxta þar sem einungis einn starfsmaður er fagmenntaður. Í því ljósi er launakostnaður leikskólans afar lágur miðað við það sem eðlilegt ætti að vera ef fleira fagfólk væri við störf.

Virðingarfyllst,

_________________________________

Sigurður Björn Gunnlaugsson, formaður

----------------------------------------------------------------------------------------

Stjórnarfundur 7. nóv. 2006 í safnaðarheimili

1.Formaður fór yfir umræður síðasta fræðsluráðsfundar og vakti sérstaka athygli á að leikskólastjóri hafi hugsað sér að rukka fyrir þau tvö korter sem nýtt eru fyrir og eftir vistunartíma. Einnig stendur til að hækka dvalargjöld um 5% og fæðisgjald um 10%. Ákveðið að skrifa bréf til sveitastjórnar.

2.Formaður sagði frá áhgua leikskólastjóra til að hitta stjórnina. Stefnt að fundi mán. Eða þri. 20. eða 21. nóv.

3.Litlu jólin. Ákveðið að athuga tilboð hjá Barnasmiðjunni. Formaður athugar málið. Formaður mun koma boðum til leikskólans í Víðihlíð að við gerum ekki ráð fyrir að sinna hlutverki foreldrafélags þar.

4.Ögn rætt um að foreldrum var boðið í morgunmat. Mæltist vel fyrir en erfitt fyrir foreldra með börn á tveimur eða þremur stöðum.

5.SGS kynnti auglýsingu um íþr´ttapoka. Ákveðið að vísa því aftur til leikskólastjóra.

Fundi slitið.

Sigurður G. Sigurðsson

Aðalfundur foreldrafélags leikskólans Ásgarðs 19. september 2006.

Dagskrá:

1.Formaður setur fund

2.Skýrsla stjórnar

3.Reikningar

4.Umræður um skýrslu og reikninga

5.Lagamál

6.Kosningar

7.Önnur mál

1.Formaður setti fund og bauð sig fram sem fundarstjóra og var það samþykkt.

2.Formaður flutti skýrslu stjórnar.

3.Elsche kynnti ársreikning.

4.Formaður gaf orðið laust um skýrslu og reikninga. Guðrún Lára lýsti ánægju sinni með aðkomu félagsins að starfi leikskólans.

5.Aðalfundur samþykkir að fela nýrri stjórn að endurskoða lögin fyrir næsta aðalfund.

6.Kosningar. Ellen Mörk gefur ekki kost á sér aftur. Ragnheiður Sveinsdóttir gaf kost á sér og var það samþykkt með lófataki.

7.Önnur mál. Sigurður Björn beindi spurningu til Skúla (sveitastjóra) um stöðu viðbyggingarinnar. Skúli svaraði þannig að allt hafi tekið lengri tíma. Arkitekt hefur dregið að afgreiða sinn þátt en stakk upp á því að grunnur yrði tekinn með samningi án útboðs. Vonir standa til að hægt sé að fara í grunn og plötu fyrir frost. Skúli lét nýjustu teikningar ganga. Ragnheiður spurði um vagnageymslu. Guðrún Lára sagði að ekki yrði vagnageymsla í viðbyggingu heldur væri gert ráð fyrir vagnageymslu í áhaldaskúr með upphitun. Elín Líndal tjóði sig einnig um viðbygginguna og minnti á hversu stutt er síðan alvöru umræða hófst. Oddný Helga spurði um bílastæði. Skúli svaraði að ekki væri búið að ákveða með þau en norðan við húsið væri líklegast. SB. Kynnti sumarlokunina. Sigrún Dögg sá fyrir sér tvær vikur lokaðar. Margir töluðu um það að lokunin væri of löng og ástæða væri til að endurskoða málin. Skúli og Elín tóku vel ðí hugmyndina og lýstu ánægju sinni með það hversu snemma hugmyndin kemur fram. Elín velti upp hvort eitthvað ætti að gera úr skóflustungunni. Fólki leist vel á það. Elsche spurði um hvort enn væri í gildi að starfsfólk þyrfti að segja upp v. lengra sumarleyfis. Það er enn í gildi. Hún spurði einnig um pylsur á sumarhátíð. Talið ´´ohætt að endurskoða matseðilinn. Skúli upplýsti að búið væri að panta stiga á suðurgaflinn.

Sigurður Björn þakkaði Ellen Mörk fyrir samstarf og sleit fundi kl. 22:14.

Sigurður G. Sigurðsson fundarritari